Сондай-ақ қараңыз
Қырым – бұл Украинаның өзіндік салт-дәстүрі, соның ішінде "ержүректер" дәстүрі бар ерекше аймағы. 2009 жылы Қырым түбегінің көптеген тұрғындары аралас жекпе-жек сияқты спорттың осындай әдемі түрімен таныс емес еді. Қырым салыстырмалы түрде шағын аймақ болса да, көптеген атақты спортшылары, соның ішінде Олимпиада жеңімпаздарымен өзінің спорттық әлуетін көрсете білді. Міне, 2009 жылдың қараша айында Симферопольде «Торнадо» ержүректер клубы аралас жекпе-жек бойынша «Grand Mix Fight 2009» алғашқы ауқымды турнирді ұйымдастырып, оны Симферополь мемлекеттік циркінде өткізді. Және бұл тағы бір спорт "дәстүрін" өткізудің бастамасы еді. Турнир тартысты өтті және жергілікті тұрғындардың ықыласына бөленді. Онда Александр Агафонов, Артем Егоров сияқты және т.б. спортшылар алғаш рет өнер көрсетті.
2010 жылдың сәуір айында клуб Симферополь мемлекеттік циркінде «Grand Mix Fight 2010» екінші турнирді өткізді. Цирктегі кезекті аншлаг, кезекті жетістік! Солармен қатар аралас жекпе-жекті (микс-файт) насихаттау жоғары қарқынмен жүргізілуде. Осы жазда біз мүмкін еместі армандағандай болдық. Судактағы аты аңызға айналған Генуя (Қырымның шығыс жағалауы) бекінісінде турнир ұйымдастыру туралы ой туындады. Кейбір адамдардың пессимистік болжамдары мен ойымыздан айнытқысы келгеніне қарамастан, «Генуя Айқасы» атауымен осы турнирді өткізуді шештік. Кейбір адамдар дұрыс айтты, шын мәнінде осындай орасан зор спорттық іс-шараны ұйымдастыру (бір ғана рингті орнатуға шамамен 2 тәулік кетті!) бізге қиынға соқты. Бірақ нәтижесі қандай! Бұл есте қалардық әрі балаларымызға да айта жүруге жарайтын керемет болды. Турнир өте тартысты өтті! Қырымның жылы күндері, нағыз соғыс жүріп өткен тарихи орында, күн батып бара жатқан әсерлі кеште микс-файттан алғашқы «Генуя Айқасы» өтті! Оның үстіне бүкіл ТМД спортшылары қатысты. Енді біз, микс-файт Қырымда ғана емес, және одан тыс жерлерде де қызықты екенін білеміз. Өйткені турнир курорттық маусымның нағыз қызған кезінде өтіп, ТМД, Германия, Бельгия, Финляндия және т.б. елдерінен келген көптеген туристерді жинады. Біздің есебіміз бойынша оған 5000-нан астам адам жиналды!
15 сәуірде Симферопольде кәсібилер арасындағы «Grand Mix Fight & ProFC 2011» аралас жекпе-жектен Украина Кубогының алғашқы туры өтті. Симферополь циркінің ғажайып залы кезекті рет Украинаның түкпір-түкпірінен жиналған жанкүйерлерге толды. Қырым жанкүйерлерімен қатар, өз клубтарын қолдау үшін Киевтен, Донецк пен Одессадан, Херсон мен Львовтан, Днепропетровск пен Харьковтен, Севастопольден және т.б. өңірлерден көрермендер арнайы келді.
Сағат 19:00 көрермендер нағыз "мерекені" - микс файт "мерекесін" көруге жиналды! Ымырасыз және шиеленістігі мен айшықтығы бойынша жарқын 13 жекпе-жек көремендерге шын мәнінде қайталанбас ғанибет сыйлады, оны жанкүйерлер ұзақ қол шапалақтаумен, қошеметпен қолдап отырды. Көрермендер Украинаның үздік спортшыларының нокауттарын, қылғындырар әрі ауыртпа тәсілдерін бақылай алды. Барлық спортшылардың кәсіби дайындығы мен жеңіске деген ерік-жігері турнирді демде өте шыққандай тартысты және өте қызықты ете білді. Мүлтіксіз ұйымдастырылған турнир бұл жолы да биіктен көрінді. 4 млн. астам адам бізді теле-көрсетілім арқылы қарап, 12 000 астам адам бізді тікелей онлайн көрсетілімде тамашалады!
10 шілдеде батыр қала Севастопольде, «Grand Mix Fight & ProFC 2011» кәсібилер арасындағы аралас жекпе-жектен Украина Кубогының екінші туры өтті. Турнир батыр қала әрі курортты Севастопольдің жанға жайлы жерінде, Қара теңіздің жағалауындағы «Хорошо» халықаралық ойын-сауық кешенінде өтті. Қырымның табиғаты мен таза ауасы спортшыларға өздерінің ең үздік қасиеттерін көрсетуге ықпал етті. Сол себепті жекпе-жектің тоқсан пайызы уақытынан бұрын аяқталды. Қылғындырар әрі ауыртпа тәсілдер, әрине, нокауттар да болды. Турнирдің толық нәтижелері.
